Роевы інтэлект на служэнні чалавеку
Роевая робататэхніка (swarm robotics) вывучае, як некалькі робатаў маглі б аб’яднацца для сумеснага вырашэння задачы, якую немагчыма вырашыць у адзіночку. Гэта новы падыход да каардынацыі дзеянняў вялікай колькасці адносна простых робатаў дэцэнтралізаваным спосабам. Гучыць фантастычна, але ў прыродзе мы гэту з’яву назіраем паўсюдна: рыбы ходзяць касякамі, птушкі лётаюць чародамі, пчолы і мурашы раяцца… Іх рухі вывераны да міліметра, жыцці падпарадкаваны агульнай мэце.
Праект Robatz Network вырас са студэнцкай лабараторыі факультэта радыёфізікі Беларускага дзяржаўнага ўніверсітэта. У 2018 годзе лабараторыя атрымала падтрымку фонду «Навука вакол нас», а разам з ёй – магчымасць доўгатэрміновага і глыбокага вывучэння пытанняў і праблем у галіне групавой робататэхнікі. На дадзены момант Robatz Network – гэта платформа IoT, якая дазваляе рабатызаваным устройствам нізкага ўзроўню ўзаемадзейнічаць адно з адным, арганізоўваць групавое ўзаемадзеянне і працэс прыняцця рашэнняў у групе.
Праект засяроджаны на робататэхніцы рою, алгарытмах разведкі рою, матэматычным мадэляванні паводзін рою, размеркаваным зандзіраванні, машынным навучанні, бесправадной сувязі і распрацоўцы апаратнага забеспячэння. За аснову ўзяты прынцып рою насякомых: мурашак, пчол, тэрмітаў, светлячкоў…
На сённяшні момант каманда Robatz Network паспяхова аднавіла алгарытм, па якім распаўсюджваецца святло ад светлячкоў на паляне, у выніку чаго ўся паляна сінхранізуецца і пачынае свяціцца. Гэты алгарытм быў выкарыстаны для стварэння гульнёвага дэманстрацыйнага стэнда. На палатне на ўсю сцяну замацаваны маленькія ўстройствы з дыёдамі. Яны звязаны ў адну сістэму. Пры старце загараецца адзін элемент, і, калі хутка ў яго не стрэліць з гульнёвага аўтамата, пачнецца актывацыя ўстройстваў, якія знаходзяцца побач, і гэтак далей па прынцыпе даміно. Простая гульня патрэбна для дэманстрацыі ланцуговай рэакцыі, у якой удзельнічае той жа самы алгарытм, які выкарыстоўваюць светлячкі.
Robatz Network большую частку часу надае навуковай складальнай, пра ўкараненне гаварыць пакуль рана. Аднак, зусім верагодна, што ў хуткай будучыні такая канцэпцыя будзе стандартам амаль ва ўсіх галінах жыцця чалавека: у медыцыне, у арганізацыі і кіраванні інфраструктурай горада, транспартнымі патокамі і гэтак далей.
Спасылкi: