V Міжнародны Турнір юных даследчыкаў прыроды
На турніры перад школьнікамі ставяцца цікавыя і нетрывіяльныя задачы, якія выходзяць далёка за межы школьнай праграмы або канкрэтнай дысцыпліны, будзе гэта фізіка, ці то хімія або біялогія. Гэта дапамагае юным даследчыкам сабраць разам раздробненую школьнай праграмай карціну свету, праявіць кемлівасць, прадэманстраваць навыкі вядзення дыскусіі, абароны ўласнага пункту гледжання перад аднагодкамі з іншых краін і прафесійным журы. Турнір уяўляе сабой серыю паслядоўных навуковых баёў і праходзіць цалкам на англійскай мове. Для ўдзельнікаў гэта выдатная магчымасць прымяніць яе ў жывым дыскусійным асяроддзі, выкарыстоўваючы спецыяльную навуковую лексіку.
5 Міжнародны турнір юных натуралістаў праходзіў на базе Школы замежных моў горада Нанкіна – адной з сямі найстарэйшых і найбольш прэстыжных школ Кітая. У гэтым годзе ў ім прынялі ўдзел 18 каманд з 11 краін свету. Абсалютным пераможцам турніру стала каманда з Новай Зеландыі, якая заняла першае месца ў фінале, абышоўшы каманды са Швейцарыі і Нанкіна.
Каманда з Беларусі заняла 11 месца. Нашу краіну прадстаўлялі навучэнцы ліцэя БДУ Ганна Казека, Марыя Краснова, Анастасія Панцялей, Раман Уласавец, Уладзімір Палатнюк і Андрэй Пеўны. Кіраўнікі каманды: Іван Сюльжын і Вольга Угначова.
Пасля спаборніцтваў удзельнікі змаглі паглядзець на Кітай знутры: пабываць не толькі ў вядомых турыстычных месцах, але і пазнаёміцца з грамадскім ладам Кітая і сістэмай адукацыі ў школах.
Спасылкi:
