25-ая Міжнародная канферэнцыя юных навукоўцаў ICYS 25
Напружаная двухдзённая барацьба, якая вялася вучнямі беларускіх гімназій выключна на англійскай мове, скончылася двума бронзавымі медалямі. Гэта крыху горш, чым у 2017 годзе, калі вынікам сталі 4 медалі (з іх адзін – залаты) або ў 2016, дзе з шасці заваяваных медалёў было 2 залатыя.
Канферэнцыя юных навукоўцаў – прэстыжнае міжнароднае спаборніцтва, якое праходзіць кожны год. Ступень канкурэнцыі тут вельмі высокая: у спаборніцтве прымаюць удзел школьныя каманды больш, чым з 30 краін свету. Удзельнікі прадстаўляюць на суд прафесійнага журы, якое складаецца з выдатных вучоных і практыкаў, даклады па фізіцы, матэматыцы, інфарматыцы, біялогіі і экалогіі. Веданне прадмета і глыбіня прапрацоўкі тэмы вызначаецца ў наступнай пасля даклада 15-хвіліннай дыскусіі на англійскай мове з прадстаўнікамі журы.
У гэтым годзе Беларусь была прадстаўлена чатырма дакладамі:
• Яніна Сандрыгайла з Гомельскай гімназіі №56 выступіла з дакладам «Абагульнена-выпуклыя функцыі»
• Ян Шляхаў са Слуцкай СШ № 11 прадставіў даклад «The Best Consultant-пакупкі з намі прыемней!»
• Кацярына Лазарава са сталічнай гімназіі №38 зачытала матэрыял па тэме «Уплыў экстрактаў сумніка канадскага на развіццё эканамічна значных фіта – і энтамапатагенаў»
• Марыя Карповіч і Антон Мацвяюк з Брэсцкай гімназіі №1 зачыталі даклад на тэму «Аптычная неаднароднасць празрыстага асяроддзя».
Па выніках ацэнак журы Яніна Сандрыгайла (матэматыка) і Ян Шляхаў (інфарматыка) заваявалі бронзавыя медалі.
Кіраўнік беларускай дэлегацыі – загадчык кафедры фізікі ліцэя БДУ Леанід Марковіч параўнаў прадстаўленыя даклады па ўзроўні падрыхтоўкі і складанасці з дысертацыямі. А таксама адзначыў, што нашых удзельнікаў у гэтым годзе крыху падвяла англійская мова.
Пасля канферэнцыі ўдзельнікі змаглі крыху адпачыць, пазнаёміцца са славутасцямі Бялграда, атрымаць новыя ўражанні ад гасціннасці яго жыхароў. Дзеці наведалі папулярную ў сербаў вежу і магілу невядомага салдата на гары Алава, пабывалі на экскурсіі па «асабістым» цягніку югаслаўскага лідара Іосіфа Ціта.
Наступная Міжнародная канферэнцыя юных навукоўцаў пройдзе ў Куала-Лумпуры (Малайзія).
Спасылкi:
- https://tech.onliner.by/2018/05/10/belarus-30
- https://edu.gov.by/news/na-25y-mezhdunarodnoy-konferentsii-yunykh-uchenykh-icys2018-belorusskie-uchashchiesya-zavoevali-bron/
- https://www.sb.by/articles/na-mezhdunarodnoy-konferentsii-yunykh-uchenykh-icys-2018-belorusskie-shkolniki-zavoevali-dve-bronzy-.html?utm_campaign=zblock&utm_expid=.8nrBFs3yTUCedmc-jHNtuw.1&utm_referrer=https%3A%2F%2Fwww.google.by%2F
